醫生轉病人 - 入廠記5
18. 話說隔離班師奶每日六點鐘個Ward開曬D燈，姑娘開始做嘢嘅時候佢哋就起身。佢哋一起身就一定要傾計。好似把口好唔講嘢會死咁。佢哋有要點樣戒口個傷口先唔會發，幾時食咩補品，阿囡乖唔乖，今日邊個黎探佢，新㚿好唔好，我住呢區架乜你都住嗰區啊？你又住邊條街啊，嗰邊好住咩？我嗰邊好住啲喎！到邊個電飯煲嘅牌子好用都要講。佢地講到夜晚八點瞓覺先至會收聲。好彩係對面Cubicle。我第二日就已經叫我阿媽帶眼罩同埋耳塞俾我。😭😪😴
19. 我對面床就有一個師奶有一仔一女。我點知？佢每日都會打幾廿百次電話比佢老公同小朋友。夜麻麻全世界瞓着覺嘅時候都打。佢有時會拎起個電話唱歌（而佢五音不全）。唱唱下就會發爛渣問個細路，點解唔應媽咪，咁媽咪唔同你講嘢，跟住就會及個細路線。😵😵😵 老遠都聞到佢浸PD味～～
佢有個唔知乜嘢Drain，佢又話要出院又話要自己簽紙走DAMA。佢話佢屋企冇咗佢唔得，老公又發燒，奶奶又搞唔掂佢兩隻小魔怪，一定要自己返去。佢仲吊緊兩隻IV 抗生素。醫生好似無奈地轉口服俾佢。咁你走你都要Off左條Drain呀大人。有兩個姑娘一老一嫩幫佢Off Drain。總之淨係聽到佢鬼殺咁嘈。仲要條野掹晒出嚟之後仲嘈，一路喺度大叫大喊。最終俾老姑娘大喝一聲。不過我好高興佢最尾都出到院，因為佢真係煩煩地。
20. 我個病房長期都係好吉。我嗰邊Cubicle有六張床，最高峰時得三個人連埋我。我出院嗰陣就淨係得返一個病人。唔同Specialty唔同病房唔同待遇。Medical同事唔恨得咁多😅。不過我見啲MO好努力禮拜日都出人，唔會當呢個係Holiday Round，唔會要留返比Case MO先出人都幾Efficient。我最初幾驚幾Wkend冇得出院要等禮拜一～～
下篇應該係Last一篇入廠記～～
Search